Um Henriette Kjeldal

Ég trúi því að ég sé hér til að skapa og gleðja – það er eins og hugmyndirnar streymi í stöðugum straumi til mín. Ein þeirra var þessi litabók, sem er sprottin af mínu eigin sambandi við íslenska náttúru. Ísland er bæði krefjandi og magnað að lifa í, en náttúran hefur skotið rótum í hjarta mínu og fyllt mig þakklæti.

Margir sem heimsækja landið fá aðeins snefil af þeim töfrum sem það hefur að bjóða, og þeir sem búa hér geta stundum gleymt hversu einstakt þetta land er. Með þessari bók vildi ég binda saman fegurð náttúrunnar og sköpunargleði – leyfa þér að fanga töfra staðanna með þínum eigin litum, minningum og ímyndunarafli.

Litabókinni fylgir smá fræðsla um staðina, menninguna og dýrin sem við deilum þessari litlu eyju með. Þetta er ekki bara bók til að lita í – þetta er leið til að tengjast landinu og efla bæði hugarró og tengingu við töfra hversdagsins. Mig langaði til að gera þetta persónulegt og fanga litlu undrin sem gera Ísland svo sérstakt. Vonandi nær bókin að ylja bæði hjörtum landsmanna og þeirra sem koma hingað til að upplifa þetta einstaka land.